Balita - Tagalog Newspaper Tabloid

Ang laban …

Online Balita — Sat, 25 May 2013 09:12:22 +0000

Mayo 25, 1986 nang halos pitong milyong katao ang naghawak-kamay mula sa New York hanggang California para sa Hands Across America, sa kapakinabangan ng mga lokal na charity sa Amerika laban sa gutom at kahirapan.

Sa petsang ito rin naganap noong 1965 ang pinakamabilis na knockout sa kasaysayan ng heavyweight title sa Lewiston, Maine, nang pabagsakin ni Cassius Clay (Muhammad Ali) si Sonny Liston ng 1:56 sa unang round.

Habang isang American Airlines DC-10 ang bumulusok ilang segundo matapos lumipad sa parehong petsa noong 1979, na ikinasawi ng lahat ng 272 pasahero nito at tatlo sa binagsakan—ang pinakamalalang aksidente sa eroplano sa Amerika. – Rijel R. Reyes, Myleen Joyce R. Favoreal at Francis Luigi R. Mangaya MB Research

E2M customs system sa AFAB

Online Balita — Sat, 25 May 2013 08:24:26 +0000

BALANGA CITY – Makaraang mahirang bilang economic zone na may pinakamabilis na paglago sa bansa, target ngayon ng Authority of the Freeport Area of Bataan (AFAB) na pabilisin ang computer system nito upang makaugnay sa lahat ng tanggapan ng gobyerno.

Kamakailan, nagsanay ang AFAB, katuwang ang information technology developer na E-Konek Pilipinas, Inc. upang turuan ang mga kompanya sa Electronic-to-Mobile (E2M) Customs System.

Ang E2M ay bahagi ng full computerization program ng Bureau of Customs (BOC), na lilikha ng National Single Window na mag-uugnay sa lahat ng opisina ng gobyerno sa bansa na nag-iisyu ng permit. – Ronald Supnad

111 sa CPLA, nagsasanay maging Army

Online Balita — Sat, 25 May 2013 07:23:11 +0000

GAMU, Isabela – Umaabot sa 111 miyembro ng Cordillera People’s Liberation Army (CPLA) ang sumailalim sa pagsasanay bilang sundalo makaraang pumasa sa screening ng Philippine Army 5th Infantry Division Training School para sa pagpapatupad ng Administrative Order No.18 (CPLA Integration to Regular Force).

Layunin ng integration process na tuluyan nang mabuwag ang CPLA at maging tunay na kasapi ang mga ito ng Hukbong Sandatahan ng Pilipinas.

Hindi lang CPLA ang mabebenepisyuhan ng nasabing Administrative Order kundi maging ang mga nagbalik-loob na kasapi ng New People’s Army. – Wilfredo Berganio

Pilit ipinapakasal sa pinsan, naglason

Online Balita — Sat, 25 May 2013 07:22:07 +0000

Nasa bingit ng kamatayan ang isang 20-anyos na binata na uminom ng lason makaraang piliting pakasalan ang nabuntis niyang pinsan na isang retardate sa Barangay Cabugao, Altavas, Aklan.

Naka-confine sa Aklan Provincial Hospital ang hindi pinangalanang binata na naabutan ng isang kaanak na bumubula ang bibig at nangingisay matapos maglason. – Beth Camia

SARADONG ISIP

Online Balita — Sat, 25 May 2013 06:47:07 +0000

Ang sarili’y binakuran, galit ay di malilimutan, taong walang kasiyahan, miserable kanyang buhay, anggapin ang kapalaran, negatibo ang labanan, magsaya ka at magdiwang, minsan lang tayo mabuhay. – Binakuran mo ba ang iyong sarili? Kung mapagtanim ka ng galit. Kung sinasarili mo ang iyong problema.

Kung hindi mo matanggap ang kabiguan kayat ayaw mo nang muling makipagsapalaran. At kung negatibo na ang paningin mo sa buhay. Kung nilayuan mo na sila. Lahat iyan ay magpapatunay na sarado na ang iyong isip. May bakod na ang iyong sarili. Huwag kang ganyan. Tandaan mo na minsang lamang mabuhay ang tao sa mundo. Hindi na siya muling isisilang pa.

Ang pahayag ng isang awtor: “Tayo ang gumagawa ng ating sariling impierno o langit sa mundo. Depende iyan sa ating saloobin at pananaw sa mundo.” Kung ikaw ay may kagalit. At ikaw ay kanyang iintriga. Nakararating sa iyo ang kanyang mga sinasabi at ginagawa laban sa iyo. Kung ito ay itatanim mo sa iyong puso at isip. Ang bunga nito ay galit na hindi maalis-alis. Dahil sa ginawa mo na siyang kaaway na mortal ay tinik ito sa iyong puso at may bakal na bakod na ang iyong sarili. Paano ka makadarama ng kasiyahan sa buhay? Hindi rin makapapasok ang Panginoon sa iyong puso. Hindi ka nakahanda sa pagtanggap sa Kanyang Kamahalan.

At ang pinakamasakit ay malas at malasang naakit o vibration ng iyong negative na emosyon. Sinasabi na “love begets love and love begets hate,” hindi ba?

Hindi mo dapat pansinin. Ituring mo na lamang na pagsubok iyan ng Panginoon. Iyan ay pangkalawit ng “diablo” kung mahina ay kuha ka na ng bitag niya.

Samantala, kung gagawin mong plus ang minus ang lahat ng mga negatibong emosyon ay mawawala bukod sa sasaya pa ang iyong buhay ay uunlad pa ang iyong kabuhayan.

At higit sa lahat ay may “star” ka sa talaan ng Panginoon, with flying colors, nakapasa ka na.

MILF, umaasang tagumpay ang plebisito

Online Balita — Sat, 25 May 2013 06:18:26 +0000

ISULAN, Sultan Kudarat – Sa pahayag ni Moro Islamic Liberation Front (MILF) Vice Chairman Ghadzali Jaafar, mas umaasa ngayon ang grupo sa pagpapasa ng mga batas kaugnay ng nilagdaang Framework Agreement dahil halos lahat ng pambato ng administrasyon ay nahalal, at dahil dadaan sa plebisito ang nasabing kasunduan.

Sinabi pa ni Jaafar na bubuo rin ng posibleng partido pulitikal ang MILF upang maipagpapatuloy ang, aniya, ay adhikain ng Bangsamoro.

Umaasa rin ang MILF na mas marami pa sa kanilang hanay ang magpaparehistro sa Commission on Elections (Comelec) upang maisakatuparan ang inaasahang plebisito, na limang bayan sa Lanao del Norte at mga barangay sa mga bayan ng Pigcawayan, Kabacan, Magpet, Midsayap at Carmen sa North Cotabato ang posibleng mapabilang sa bubuuing Bangsamoro entity. – Leo P. Diaz

LP panalo sa Bicol, mabilis na pagsulong ng Bicolandia, inaasam

Online Balita — Sat, 25 May 2013 05:16:39 +0000

LEGAPI CITY – Malinaw ang tagumpay ng Liberal Party (LP) sa Bicol sa katatapos na halalan, na karamihan sa mga pambatong alkalde at kinatawan ng Kongreso ng partido ang nanalo sa rehiyon.

Ayon kay Albay Gov. Joey Salceda, chairman ng LP-Bicol, makaaasa si Pangulong Benigno S. Aquino III ng malaking suporta sa mga reporma at programa nito na inaasahan nilang magpapasulong din sa pag-unlad ng rehiyon.

Walang kalaban si Salceda sa kanyang re-election bid para sa ikatlong termino niya bilang gobernador, na nakatulong nang malaki para manalo ang kandidato ng LP sa pagkaalkalde sa 12 sa 15 bayan at tatlong lungsod ng lalawigan. Isa siya sa mga unang iprinoklama ng Commission on Elections (Comelec) sa Bicol.

Nakuha ng LP ang 12 mayoralty post sa Albay, siyam sa Camarines Sur, siyam sa Catanduanes, anim sa Camarines Norte, lima sa Sorsogon, at tatlo sa Masbate.

“Ang resultang ito ng eleksiyon sa Bicol ay nagpapahiwatig din na ang mga proyekto ng pamahalaan sa Kabikulan ay patuloy na isasakatuparan, lalo na ang mga napasimulan na sa unang kalahati ng panunungkulan ni Pangulong Aquino,” paliwanag ni Salceda.

DTI monitoring sa school supplies

Online Balita — Sat, 25 May 2013 04:15:15 +0000

Para matiyak na walang negosyante na magsasamantala ngayong mahigit isang linggo na lang ay pasukan na, nagpakalat na ang Department of Trade and Industry (DTI) ng monitoring team para tutukan ang mga school supply sa merkado.

Nabatid ng Balita na dinadayo ang mga pamilihan sa Baguio City ng mga residente sa mga kalapit nitong Pangasinan at La Union, para mamili ng school supply para sa pasukan sa Hunyo 3.

Ayon sa DTI, inaaasahan ang mataas na demand sa mga school supply at hindi maiiwasang may mga negosyanteng magsasamantala rito, kaya naman ipinakalat ng kagawaran ang monitoring team nito.

Kaugnay nito, tiniyak ng DTI na papatawan ng kaukulang parusa ang sinumang magsasamantala o magpapatunayang nag-overpricing sa mga ibinebentang school supply. – Liezle Basa Iñigo

Kwon Yuri, paborito sa Girls Generation

Online Balita — Sat, 25 May 2013 04:00:17 +0000

Sometimes you have to move on without certain people. If they’re meant to be in your life, they will catch up. –DINNO/# withheld

Hello po, Mr. DMB. Gustung-gusto ko po ang Reader’s Corner. May tindahan po kami ‘tapos nagbebenta kami ng diyaryo kaya lagi po akong nagbabasa. Special request ko po sana ‘yung picture ng favorite member ko sa Girls’ Generation, si Kwon Yuri po. Singer, dancer and actress po siya. Unstoppable Marriage po ang una niyang palabas ‘tapos po Fashion King ng pangalawa. My upcoming po siyang palabas, No Breathing po ang title. Thanks po. –09081746069 (Ibenta mo po lagi ang BALITA, MANILA BULLETIN, at TEMPO, ha? –DMB)

Hi, Sir DMB. ‘Pansin ko po, puro nawawalang anak na lang ‘yung mga teleserye. Sana gumawa naman sila ng istorya na ‘yung magulang naman ang mawawala at sa bandang huli makikilala para maiba naman, ha-ha! God bless you, sir. More power to BALITA. Thanks. –# withheld upon request (Siguradong pinangiti mo ang iba pang readers. O kaya aso, katulong, o tsinelas naman ang mawala at hahanapin? Puro nawawala, he-he…. Pero mas madalas, pati matinong direksiyon ng istorya ng teleserye, nawawala rin. –DMB)

Good afternoon, Mr. DMB. Grabe, No. 1 ang Ina Kapatid Anak dito sa amin (Baguio City) pati din po ‘yung Apoy sa Dagat. Sir DMB, patulong naman po, sana makarating ito sa mga bossing sa ABS-CBN. Sana po pagsamahin sa isang project sina Kim Chiu and Diether Ocampo. I have this dream po kasi na they’re together in a movie, na they’re so sweet, compatible with each otherm romantic, etc., etc. They’re so perfect together talaga. What can you say, Sir DMB? More powr and God bless you po. I’m Elle po from Baguio. –09066212192

Good afternoon po, Mr. DMB. Thank you po, sa pamamagitan ng column n’yo marami na po akong friends. Salamat at mabuhay kayo! –09486325534

Have a blessed morning to everyone! I just want to greet my husband, Mr. Ram Dhars, a happy birthday! I love you so much. –09263159988

Good day po! Ano ba ‘yan?! Grabe naman ang mga tao na masyadong mapagmataas kung laitin nila si Nancy Binay, ah! Kulay niya? Ano’ng kinalaman nu’n sa paglilingkod sa mamamayan? Dapat ba perpekto ang mga nanunungkulan sa atin? Sana naman po huway kayong ganyan! ‘Wag po kayo magalit sa akin. Opinion ko lamang po ito. At kay Vice Ganda po, masyado na po siyang mayabang! –09056043367

Hi Sir DMB, ang ganda ng MMK kagabi, sobra, nakaka-touch! –09068821968

Juan: Nakakita ka na ba ng wala? Pedro: Niloloko mo ba ako? Wala nga, kaya paano ko makikita? Juan: Takpan mo ang mata mo. Pedro: O, nakatakip na! Juan: Ano’ng nakikita mo? Pedro: Wala! Juan: O, e, di nakakita ka ng wala! Ha-ha-ha! –09264899334

Incoming search terms:

22nd Trans Sport Show, magbubukas

Online Balita — Sat, 25 May 2013 03:21:15 +0000

Magbubukas ang pinakamahabang running automotive event sa bansa sa paglarga ng 22nd Trans Sport Show sa Mayo 30 hanggang Hunyo 2 sa SMX Convention Center Manila sa Mall of Asia.

Pagtutuunan sa opening ang bagong slogan na “Driving Generations” kung saan ang Phoenix Petroleum Philippines, Inc. ang magiging presentor at Diamond sponsor.

Ang presentation ng “Driving Generations” ay kalinsabay rin sa ika-50 anibersaryo ng anniversary legendary Porsche 911 at ika-60 anibersaryo ng mighty Chevrolet Corvette. Sa showcase ng anniversaries na ito, magkakaroon ng chronological displays ng significant variants ng dalawang sasakyan ang Porsche Club Philippines at Manila Sports Car Club.

Ang ibang event ay kapapalooban ng public launch ng Classic DTM Races sa Pilipinas na may nakalinyang magpapartisipa na 1980s European racers at karagdagang special display sa kalsada na may versions ng classic rally cars ng kaparehas na era na kilala bilang “Killer B’s”.

Ipagpapatuloy ng Trans Sport Show ang kanilang legacy sa pagpapamalas ng pinakamagagandang restoration at awesome automobile styling na mayroong competitions para sa much-desired Phoenix Trans Sport Show Cup na kabibilangan ng international guest judges.

Dagdag pa rito ang pagkakaroon ng DJ JAM@Trans Sport Show sound off kung saan ang top disc jockeys sa Manila ay magpe-performs sa stage mixing cars, music at “DJ-ing” sa weekend kasama na ang Petrol Fashion Show na gaganapin sa kasagsagan ng Phoenix Trans Sport Show Cup Awarding Ceremonies sa Hunyo 2.

Gaganapin muna sa opening day sa Mayo 30 ang ribbon-cutting ceremony sa ganap na alas-10:30 ng umaga.

Para sa karagdagang impormasyon, mangyaring tawagan ang Public Relations Consultant, Mr. Raymond Tribdino (09209120832 / 09167729226), TSI Ad at Promo Officer Ms. Marga Villar at contact nos. 6718381-82, 6713122 , 09175322648 o sa Undersigned sa 09178132694 at 9259576.