Matapos ang ilang linggo ring hindi pagkakaunawaan noong nakalipas na buwan, makaraan umanong sumuway si Romeo sa itinakdang panuntunan ng FEU na bawal maglaro sa kahit na anong D-League team ngayong conference, ay binigyan na rin ang manlalaro ng pagkakataon na ituloy ang kanyang nasimulang paglalaro sa Big Chill.

At ngayon, posibleng si Romeo pa ang maging daan upang tapusin ang kampanya ng Shakers na binubuo halos ng lahat ng kanyang mga kakampi sa Tamaraws at ginagabayan ng mismo nilang head coach na si Nash Racela.

Gayunman, maliban kay Romeo, inaasahan ding magtatrabaho para sa misyong umusad sa susunod na round ang kanilang koponan sina Mac Montilla, ang bagong recruit na si Jeckster Apinan at isa ring dating Tamaraw na si Arvie Bringas.

Sa kabilang dako, inaasahan namang dobleng kayod ang aasahan ni coach Racela mula sa iba pa niyang mga big men kasunod ng pagkaka-injured ni Russel Escoto upang may makabalikat ang kanilang mga wing at point guards na sina Pong Escobal, Michael Tolomia, Anjo Caram, Roger Pogoy at Anthony Semira. – Marivic Awitan

Ito ang isa sa naging pangunahing susi sa natamong tagumpay ng Alaska Aces sa katatapos na 2013 PBA Commisioner’s Cup kung saan ay winalis nila ang best-of-five championship series ng crowd favorite Barangay Ginebra San Miguel para muling makatikim ng kampeonato.

Ang pagyakap ng ganitong panuntunan ng koponan, mula sa tila isang palaisipan na binuo ng kanilang coaching staff, ang siyang nagbalik sa Aces sa glorya mula ng maghiwalay sila ng dating head coach na si Tim Cone.

Mismong si Alaska owner Wilfred Uytengsu ang nagsabi nito sa kabila ng kanyang hindi maitagong paghanga sa kanilang prized rookie na si Calvin Abueva na aniya’y nagdala ng ibang klaseng enerhiya sa Alaska.

“He has a lot of potential. He has oodles and oodles of talent and he has a bright future in the PBA,” pagmamalaki ni Uytengsu tungkol kay Abueva.

Ngunit sinabi nito na kailangan ding matutunan ni Abueva ang konsepto ng kanilang koponan para siya ay magtagal dito.

“In Alaska, there’s always that sense of ‘we rather than me,’ and Calvin will just have to develop his maturity and work well within our system,” paliwanag ni Uytengsu.

Sa panig naman ni coach Luigi Trillo, labis ang kanyang pasasalamat sa kanilang management sa pagtitiwalang ibinigay sa kanila ng kanyang coaching staff para palakasin at bigyan ng bagong bihis ang koponan.

“When we came in, I knew we built a good foundation,” pahayag ni Trillo.

“A lot of thank you to sir Fred (Uytengsu, team owner). He allowed me to get some trades in (RJ) Jazul, (Gabby) Espinas and an understanding with LA (Tenorio) to move forward,” dagdag pa nito.

Nakatulong din ni Trillo, upang maging matatag ang kanyang koponan, ang lahat ng mga naranasan nilang kabiguan sa nakalipas na conference, kabilang na ang naitalang limang panalo lamang sa nakaraang Governor’s Cup sa ilalim ni coach Joel Banal.

Sa dami ng kanilang pinagdaanan, partikular ang nakapanlulumong 2-4 Philippine Cup semifinals na kabiguan sa kamay ng Talk ‘N Text, naging matatag naman sila ngayon sa pagpasok ni Trillo kung saan ay naging handa ang koponan para sa pagsabak sa Commissioner’s Cup na ditto nga ay bumawi sila nang husto bago nagkampeon.

Incoming search terms:

• balita san miguel papasok na sa semis ng pba
• alaska aces
• balita sa alaska aces
• editoryal tagalog about alaska

Pormal na mawalis na ang serye at ganap na maiuwi ang pinakamimithing kampeonato ang nakatakdang isakatuparan ngayon ng Alaska sa muling pakikipagharap nila sa Barangay Ginebra sa Game Three ng kanilang best-of-five finals series ng 2013 PBA Commissioner’s Cup.

Sa ganap na alas-7:30 ng gabi matutunghayan ang ikatlong pagtutuos ng Aces at Gin Kings para sa titulo ng second conference sa Smart-Araneta Coliseum.

Matapos ang kanilang naitalang nakalululang panalo sa Game One (87-70) at Game Two (104-90), umaasa ang lahat ng supporters ng Aces, sa pangunguna ng Gatas Republik, na tatapusin na nila ngayon ang serye.

Ngunit sa kabila ng kanilang 2-0 bentahe, nandoon pa rin ang paniniwala ni Alaska coach Luigi Trillo na magsisikap na bumangon ang Ginebra.

“We had to weather that firstquarter storm. We knew they will come out with a lot of energy,“ pahayag ni Trillo.

“That side (Ginebra) has a lot of tradition there. We knew they will come out with aggressiveness, but understood they will make some adjustments. Now they have to beat us three straight,“ dagdag pa nito.

Gayunman, bitbit ang malaking bentahe, tiyak namang hindi rin papayag ang Aces na masingitan pa sila ng Kings.

Subalit hindi nila inaalis ang katotohanan na mahirap itong gawin.

“The toughest to do is to close “The toughest to do is to close out a series. It’s gonna be hard. Kailangan kunin namin sa tiyaga,“ ayon pa kay Trillo.

Ang pinakamalaking lamang na nkikita ni Trillo na puwede nilang gamitin kontra sa Gin Kings ay ang “fatigue“.

Aniya, makikita na ngayon at masusubukan kung kaya pa ring sumabay sa kanila ng Kings.

Inamin naman ito ni Kings ace playmaker LA Tenorio.

“Factor din iyon,“ pahayag ni Tenorio na tinutukoy ang pinagdaanang knockout games kontra Rain or Shine sa quarterfinals.

Ngunit ang pinakamalaking lamang na kanyang nakikita na taglay ng Alaska ay ang pagkakaroon nito ng malusog na line-up kung kaya’t nagagawa nilang paikutin ang kanilang players sa loob.

“Ang dami pa nilang player. Ang bilis ng palit nila. Ilang players ba ang double figures nila? Eh last game pito. Iyon ang key sa kanila, kaya fresh sila,“ ayon pa kay Tenorio.

Tiyak na maghahabol ang Kings para maibuhos ang lahat ng kanilang makakaya upang makaiwas sa nakahihiyang sweep sa kamay ng Aces.

Ngunit sa kasaysayan ng liga, dalawang koponan pa lamang ang matagumpay na nakabalik mula sa 0 2 pagkaiwan sa isang championships series, ang Crispa Redmanizers kontra sa Toyota noong 1976 Third Conference at ang Purefoods laban sa Alaska noong 1990 Third Conference.

Muli, sasandigan ng Aces ang kanilang depensa, partikular sa reinforcement ng Kings na si Vernon Macklin na nagawa nilang limitahan sa 8 puntos at anim na attempts lamang sa field.

Kailangan namang makahanap ng Kings ng kasagutan sa lahat ng ginagawang ito sa kanila ng Aces para patuloy na buhayin ang kanilang tsansa sa inaasam na kampeonato.

Incoming search terms:

• abl smbeermen psa forum

Alaska, target ang 2-0 bentahe; Barangay Ginebra, bubuwelta ngayon
Ni Marivic Awitan

Makuha ang kampanteng 20 bentahe para sa hinahangad na titulo ang tatargetin ng Alaska sa muling pakipagtutuos sa Barangay Ginebra San Miguel sa Game Two ng kanilang best-of-five championship series ng 2013 PBA Commissioner’s Cup sa MOA Arena sa Pasay City.

Gaya ng kanilang ginawa sa Game One na naiposte ang isang kumbinsidong 87-70 tagumpay, sisikapin ng Aces na pantayan o mas higitan ang kanilang ipinamalas na laro kontra sa Gin Kings.

“We need to be tougher and stronger coming into Game Two. We can’t let up,“ pahayag ni Alaska coach Luigi Trillo.

Ayon pa kay Trillo, malaking bagay para sa kanila ang nakuhang 1-0 bentahe lalo’t maikli lamang ang serye.

Bukod dito, nagawa nilang pahirapan ang Kings at pagurin na tinatayang magkakaroon ng malaking epekto sa kanilang susunod na laban lalo pa’t isang araw lamang ang kanilang magiging adjustment para sa hangad na pagbawi.

“It’s huge for our confidence. It’s a short series, five games, so they had tired warriors out there. I think we did a good job of really taking away their strengths,“ pahayag ni Trillo.

Pero batid ng Aces na hindi pa tapos ang kanilang trabaho matapos ang nasabing panalo.

At kaparis pa rin sa dati, malaking sakit ng ulo sa Aces ang import ng Ginebra na si Vernon Macklin kaya naman nangako ang isa sa kanilang big man na si Sonny Thoss, isa sa mga dumedepensa ditto, na higit pang pagbubutithin ang kanyang trabaho.

“For the most part, we did a good job (defensively), but he (Macklin) had nine offensive rebounds so I have to do a good job and watch the video and see where I need to improve on,“ ayon kay Thoss.

“I’m sure they’ll gonna bounce back so we just need to be able to adjust. That’s the big key right there,“ dagdag pa nito.

At gaya ng nararamdaman at inaasahan ng kanilang kalaban, talagang hindi basta na lamang susuko ang Gin Kings na nagbantang babalik sa susunod nilang pagtatagpo ng Aces.

“Iyung 0-4 (start) namin, 0-1 ngayon. Ano ba naman `yung three straight na ano … I wouldn’t be worried for this team because it’s better for us to lose this first game. Naging never-say-die pa itong team na ito for nothing,“ pahayag ni league reigning MVP Mark Caguioa.

Ayon pa kay Caguioa, ang nasabing pagkatalo ay nangangahulugan lamang para sa kanila na kailangan na nilang gumising, bumangon at magtrabaho .

Muli, magiging sandigan ng Aces upang maisakatuparan ang kanilang misyon sina import Robert Dozier at locals na sina RJ Jazul, Thoss, rookie Calvin Abueva, JV Casio, Gabby Espinas at Cyrus Baguio.

Sa panig naman ng Kings, maliban kay Macklin, inaasahang mamumuno sa gagawin nilang pagbawi sina LA Tenorio, Keryby Raymundo, Jayjay Helterbrand, Billy Mamaril at Josh Urbiztondo.

Sa ginanap na midterm elections noong Mayo 13, pinutol ni Guiao, nasa kanyang huling termino bilang bise gobernador ng Pampanga, ang ilang dekadang pamamayagpag ng dinastiya nang talunin nito si Francis Nepomuceno para sa congressional seat ng unang distrito ng lalawigan.

Si Guiao ay humakot ng kabuuang 57,645 boto laban sa 53,958 na nakuha ng nakatunggaling si Nepomuceno.

Ayon sa multi-tiled coach, isa sa una niyang pagtutuunan ng pansin ay ang pagtatayo ng isang national stadium sa loob ng Clark sa Angeles City na aniya ay magbibigay ng malaking ayuda para sa programa ng isports sa bansa.

Aniya, ang Clark ay magandang lugar para sa isang stadium na maaaring ipagmalaki sa buong mundo, pagdausan ng malalaking international sporting event, at maaari ring magsilbi bilang pasilidad para sa pagsasanay ng mga atleta.

Madali ring mapuntahan ang dating US military base ng mga atleta at manonood mula sa Maynila, karatig lalawigan, at maging mula sa ibang bansa dahil sa paliparan na nasa loob ng Clark at iba pang uri ng transportasyon. Hindi rin magiging problema ang akomodasyon dahil sa mga hotels na nasa loob at paligid nito.

“To build a national stadium, you need land and that can be pretty expensive. But if you build it inside Clark, you don’t have to pay for the land,” lahad ni Guiao sa isang panayam sa SPIN.ph ilang sandali matapos ang kanyang proklamasyon. “That will boost sports tourism not only in our district but the whole country as well.”

Tungkol naman sa kanyang papel bilang head coach ng Elasto Painters, mananatili itong prayoridad, ayon sa kanya.

“Walang magiging pagbabago. I love coaching. Flexible naman ang schedule ko, so I have enough time to devote to practices and games, sessions sa Congress, and meeting with my constituents in the first district of Pampanga,” pagtatapos ni Guiao. – Kristina Maralit

Pormal na selyuhan ang top spot papasok sa semifinals ang tatangkain ng defending champion NLEX Road Warriors sa kanilang pagsagupa sa baguhang Jumbo Plastic Linoleum Giants sa tampok na triple header sa pagtatapos ng 2013 PBA D-League Foundation Cup eliminations sa Ynares Sports Arena sa Pasig City.

Sa ganap na alas-12:45 ng hapon sisimulan ng Road Warriors ang pagpuntirya sa kanilang ika-siyam na sunod na panalo matapos mabigo sa unang dalawa nilang laro kontra Giants.

Kumpara sa unang laban na halos wala ng ‘bearing,” magiging napakahalaga naman para sa Boracay Rum at Fruitas Shakers ang tagumpay.

Kung magwawagi ang Shakers, tatabla sila sa Blackwater Sports at magkakaroon pa ng tsansa para sa outright semifinals berth habang kung mananalo naman ang Waves, magtatabla sila ng Shakers at makatitiyak ng twice-to-beat incentive sa susunod na round.

Subalit kung matatalo ang Waves, mas magiging kumplikado ang laban para sa No. 4 spot dahil magkakaroon ng 4-way tie sa nasabing spot kung saan magtatabla sila sa kabuntot nila na Cagayan Valley, Big Chill at Cebuanan Lhuillier na may magkakaprehas na barahang 6-5 (panalo-talo).

Batay sa format, ang top two teams matapos ang eliminations ay awtomatikong papasok sa semifinals habang ang pangatlo hanggang pang-anim na koponan ay maglalaban sa quaerterfinals kung saan ang dalawang mas mataas na koponan ay may bentaheng twice-to-beat.

Samantala, gaya ng unang laro, wala na ring bearing ang tampok na laban sa pagitan ng kapwa eliminated nang Hog’s Breathe Café at Informatics College sa alas-4:00 ng hapon. – Marivic Awitan

Incoming search terms:

• jumbo plastic linoleum giants - nlex road warriors

Gin Kings, Aces, magkakasubukan sa Game 1 ng finals series
Ni Marivic Awitan

Maipagpatuloy ang kanilang pagbalikwas mula sa ikapitong puwesto sa panimula ng eliminations hanggang sa makamit ang inaasam na pagtuntong sa kampeonato ng 2013 PBA Commissioner’s Cup ang tatangkain ng Barangay Ginebra San Miguel sa pagtutuos nila ng Alaska ngayong gabi sa Smart-Araneta Coliseum.

Sa ganap na alas-7:30 ng gabi uumpisahan ang Game One ng kanilang inaabangang best-of-seven championship series.

Gaya ng kanilang mga pinagdaanang laro sa eliminasyon hanggang sa nakaraang semis, muling aabangan ang pagtatapat ng kanilang reinforcements na gumanap ng mahahalagang papel upang umabot sila sa finals.

Ngunit maliban kina Vernon Macklin ng Gin Kings at Robert Dozier ng Aces, maraming personalidad ang tiyak ding aabangan ang performance at ang kanilang maiaambag sa kanilang mga koponan para makamit ang inaasam na titulo ng Commissioner’s Cup.

Nariyan sina LA Tenorio na dating point guard ng Alaska bago napunta sa Ginebra at ang pambatong rookie ng Aces na si Calvin Abueva.

Ngunit para kay Alaska coach Luigi Trillo, hindi malaking bagay ang muli nilang makatunggali si Tenorio.

“I knew LA would help Ginebra to reach the finals,“ pahayag ni Trillo.

“Is there mixed emotions playing against him? The answer is no. The only concern right now is to beat Ginebra and win the championships,“ dagdag pa nito.

Inamin din ni Trillo na hindi nila pinoproblema ang top gun ng Kings na si Mark Caguioa dahil naniniwala siyang hindi naman ito makalalaro nang maayos sa finals.

“Our objective is to contain the guys who brought Ginebra to the finals and Caguioa isn’t part of that key group. We need to stop (Vernon) Macklin, LA (Tenorio), Kerby (Raymundo), Chris Ellis, (Mac) Baracael and (Jayjay) Helterbrand,“ paliwanag ng Alaska mentor.

Aniya, tiyak namang hindi isusugal ng Ginebra ang kundisyon ni Caguioa na posibleng makasama pa kung magpipilit itong lumaro.

Sa kabilang dako, bagamat hindi nagbigay ng tuwirang komento, nagpahaging naman si Chua na isa sa mga pangunahing nilang pagtutuunan ng pansin upang malimitahan, kung hindi man, sa kanilang produksiyon sina Abueva at Dozier.

Nariyan din ang kanilang dalawang sentro na sina Sonny Thoss at Samigue Eman at bukod pa umano ang malalim nilang bench.

Ngunit ang pinakamahalaga sa lahat, ayon kay Chua, ay hindi masayang ang lahat ng kanilang pinaghirapan para makarating sa finals.

“Ang pinakamahalaga ngayon ay itong opportunity na ibinigay sa amin, para hindi masayang,“ paliwanag ni Chua.

Malakas din ang kanyang pananalig sa kanilang import na siya talagang gumiya sa team sa pagdating nito mula sa 0-4 na panimula sa eliminations para bigyan nila ng magandang laban ang Aces.

“With Vernon (Macklin) around, siguradong magandang laban ito.“

Dahil sa kanilang naging panalo, nakamit ng Kings ang asam na finals appearance na huli nilang nagawa noong 2011 Commissioner’s Cup.

“It’s a God-given gift, daming injuries, pero nakarating kami dito,“ dagdag pa nito.

Naging malaking regalo para sa Kings ang pagdating ng kanilang import na si Vernon Macklin na siyang nagpabago ng takbo sa kanilang kapalaran hanggang sa maihatid sila sa finals.

Dahil din sa pagdating ni Macklin, nagkaroon ng kakaibang insprasyon ang koponan at bawat laro ay halos lahat ay nagi-step-up at nag-aambag upang makamit nila ang tagumpay.

Nakatakdang makaduwelo ng Kings ang nauna nang finalist Alaska Aces sa finals na magsisimula bukas sa Smart-Araneta Coliseum.

At naniniwala si Chua na higit na mabigat ang kanilang sasabakang giyera.

“Alaska is very complete, from wing to point, to big man. But we’re gonna prepare hard for them,” sinabi ni Chua patungkol sa nakatakdang kampeonato kasabay ang pagsigurong hindi nila bibiguin ang kanilang mga tagahanga at supporters sa pangakong bibigyan nila ng magandang laban ang Aces sa finals. – Marivic Awitan

Ito ang malaking katanungan na bibigyan ng kasagutan sa deciding game sa semifinals series ng Tropang Texters at Kings na magsisimula sa ganap na alas6:15 ng gabi sa Smart-Araneta Coliseum.

Nagawang makapuwersa ng Kings ng deciding fifth game makaraang itabla sa 2-2 ang serye sa pamamagitan ng 104-101 panalo sa Game Four noong nakaraang Biyernes.

Pinangunahan ni import Vernon Macklin ang panalo matapos magtala ng career high 37 puntos, kabilang na ang naging goahead at winning basket sa laro.

Ngunit umaasa si Kings coach Alfrancis Chua na mas magiging mapagmatyag ang mga reperi, lalo na sa pagdating sa mga tinatawag na “dirty plays“ kung saan naging biktima ang kanilang reinforcement sa nakaraan nilang bakbakan ng Tropang Texters.

“Ryan Reyes was punching him (Macklin). I hope the refs call those cheap shots. ` Yung huli lang kasi, binayagan ni Ranidel (de Ocampo), tapos nag-head butt pa siya,“ paliwanag ni Chua sa naganap na post game interview.

“But we’re gonna play hard, yet, we’re not gonna hurt like that na pantanggal ng career,“ dagdag nito.

Bukod kay Macklin, inaasahang mamumuno din sa kanilang misyon ang mga lokal na sina Jay Jay Heltrebrand, LA Tenorio, Chris Ellis at Kerby Raymundo.

Sa panig naman ng Texters, inaasahang babawi ang kanilang import na si Tony Mitchell na bagamat nakapagposte ng gamehigh 45 puntos ay nagmintis naman sa mga panahong kailangangkailangan siya, kabilang na ang kanyang huling attempt sa nalalabing 10 segundo ng laban, kung saan ay angat ang Kings, 103-99.

Bukod kay Mitchell, tiyak na magiging agresibo upang mapunan ang kanilang malamyang performance sa Game Four sina Ranidel de Ocampo, Larry Fonacier, Jayson Castro, Ali Peek at Harvey Carey.

Incoming search terms:

• Talambuhay ni Christopher Ellis

Makalapit tungo sa hinahangad na makabalik sa kampeonato ang tatangkain ng Talk ‘N Text sa pagkubra nila ng ikatlong panalo kontra sa Barangay Ginebra San Miguel sa Game Four ng kanilang best-of-seven series sa 2013 PBA Commissioner’s Cup semifinals duel sa Smart-Araneta Coliseum.

Nakalamang ang Tropang Texters sa serye, 2-1, kasunod ng kanilang naitalang 98-80 tagumpay sa Game
Three.

Tila nabigla ang Kings sa bagong import na ipinarada ng Tropang Texters na si Tony Mitchell kung kaya’t hindi nila ito napaghandaan.

Sa kanyang debut game, bagamat wala ring ideya kung paano ang sistema at laro ng mga Pinoy, nagtala ang nakaraang NBA D-League season slam dunk king at second leading scorer ng 29 puntos at 12 rebounds.

At naniniwala si coach Norman Black na marami pang ipakikita si Mitchell sa mga susunod na laro ngunit inaasahan na rin niya na mapaghahandaan na ito ng kalaban matapos matunghayan ang pakikibaka sa Game Three.

“Tony Mitchell reminds me of Tony Harris. I think as the series goes on, he’ll get better,” pahayag ni Black.

“Ginebra had not seen Tony before and had no idea how to prepare against him. But now that they’ve seen him once, they will surely be ready in the next game,” dagdag pa ni Black.

Maliban kay Mitchell, muli ring aasahan ni Black para suportahan ang kanilang misyon ang mga lokal na sina Larry Fonacier, Ranidel de Ocampo at Jayson Castro, gayundin ang sinasabing magbabalik na si Jimmy Alapag.

Sa kabilang dako, nangako namang babawi ang Kings para muling itabla ang serye.

“Next game we’re gonna live up to that never-say-die spirit,” pahayag ni Mark Caguioa. “It’s not too late. Ano ba naman yung nag-start kami ng 0-4 tapos nanalo kami ng six straight. In Game Four, I’m pretty sure there’s no way we’re gonna go out there and play like this again.”