Balita - Tagalog Newspaper Tabloid » Editoryal

PAGPAPANUMBALIK NG BANAUE RICE TERRACES

Online Balita — Thu, 23 May 2013 17:02:01 +0000

Ang rehabilitasyon ng 2,000-year-old world-renouwned Banaue Rice Terraces, lalo na ang nasirang terrace walls at irrigation canals sa Barangay Batad, Banaue, Ifugao, ay makukumpleto sa Hunyo 30, 2013. Halos 98 percent na ng mga nasirang pader ang napanumbalik, 21 communal irrigation system ang nakumpuni, at limang solar dryer, pati na ang isang community seed bank ang nailagay sa iba’t ibang lugar.

Pagkatapos ng rehabilitasyon, makapagtatanim na ang mga magsasakang Ifugao ng mga tradisyunal na palay upang maibenta sa panloob at panlabas na merkado. Nagtayo ang Department of Agriculture (DA) ng seed bank para sa mga katutubo upang mapanatili ang iba’t ibang uri nito tuald ng tinawon, unoy at ulikan. Tampok sa seed bank ang isang museo ng tradisyunal na pagtatanim ng palay at nagsisilbi itong cultural at tourist attraction.

Inaayudahan ang mga magsasaka na alamin at tipunin ang kanialng mga project initiative na isasama sa DA-Cordillera regioanl at financial plan na ipatutupad sa susunod na taon. Kabilang sa mga proyekto ang Rice Processing Center (RPC) sa Lamut, Ifugao, at satellite villate RPCs na lalagyan ng micro mills, pedal threshers, mechanical at solar dryers, at tramlines.

Ang panunumbalik ng Banaue Rice Terraces, isang World Heritage Site na idineklara noong 1995 ng United Nations Educational, Scientific, and Cultural Organization (UNESCO), ay sinimulan ng DA noong Marso 2012. Ang terraces, na nasa limang bayan sa Cordillera, ay pinangalanan ng UNESCO upang mapanatili ang legasiya ng mga katutubong nagtayo nito sa Ifugao province. Inilarawan ng UNESCO ang terraces bialng “expression of sacred traditions and a delicate social balance, creating a landscape of great beauty that expresses the harmony between humankind and the environment“.

Binabati natin ang Department of Agriculture sa pangunguna ni Secretary Proceso J. Alcala, at ni Ifugao Province Governor Eugene M. Balintan at hangad natin ang kanilang tagumpay sa kanilang pagsisikap na maibalik ang kagandahan at kadakilaan ng Banaue Rice Terraces sa Republika ng Pilipinas. CONGRATULATIONS AT MABUHAY!

PAGPAPAIGTING NG PATUTURO NG WIKANG KASTILA SA MATAAS NA PAARALAN

Online Balita — Wed, 22 May 2013 17:01:46 +0000

Upang mapahusay pa ang kanilang talino sa iba’t ibang aspeto ng pag-aaral at patuturo ng isang pangunahing wika, naghanda ang Department of Education (DepEd) at ang Ministry of Education ng Spain ang isang serye ng mga aktibidad para sa mga gurong Pilipino na nagtuturo ng Spanish sa mga pampublikong mataas na paaralan.

Ang Special Program in Foreign Language (SPFL)-Spanish nakalatag simula Abril hanggang Nobyembre ngayong taon sa Manila, Cebu, at sa Spain. Ang mga kalahok ay mga guro mula sa mga paaralang nagpapatupad ng SPFL. Ngayong taon, 35 dagdag na guro ang sasanayin sa Basic Spanish, 26 sa kanila ang mula sa piling mga paaralan habang ang siyam ang mula sa mga pilot school na itinuturing Centers of Excellence.

Nagsimula ang summer training noong Abril at magtataos ngayong buwan sa Instituto de Cervantes sa Manila. Ang immersion program sa Spain, kung saan ang mga guro ay makikipag-ugnayan sa mga practitioner ng Spanish language, ay mula sa Hulyo hanggang Agosto sa Salamanca o sa Granada, Spain. Ang professional development course sa pagtuturo ng Spanish bilang Foreign Language ay nakatakda sa Oktubre 27 – Nobyembre 1, 2013, sa Instituto Cervantes at sa DepEd Ecotech Center sa Lahug, Cebu. Ang pagsasanay para sa Diplomas for Spanish bilang Foreign Language ay sa Nobyembre 4-26, 2013, sa Instituto Cervantes.

Ang SPFL, na may layuning paigtingin ang husay ng mga mag-aaral sa pakikinig, pagsaalita, pagbabasa, at pagsusulat ng sa pangalawang wikang banyaga – pati na ang Spanish, French, Japanese, German, at Chinese – ay ipinatutupad sa mga pampublikong mataas na paaralan kung saan nagpakita ang mga mag-aaral ng kahusayan sa English at may kakayahang matuto ng ib pang wikang banyaga. Nagsimula ito noong school year 2009-2010 sa ilang paaralang sekondarya.

Binabati natin ang Department of Education sa pangunguna ni Secretary Bro. Armin A. Luistro, FSC, at ang Ministry of Education ng Gobyernong Spain sa pamumuno ni Minister Jose Ignacio Wert Ortega sa kanilang pagsisikap na paigtingin ang pagtuturo ng wikang Spanish sa mga pampublikong mataas na paaralan upang ihanda ang puwersa ng manggagawa ng Republika ng Pilipinas sa buong daigdig. CONGRATULATIONS AT MABUHAY!

FINANCIAL ASSISTANCE FOR FILIPINO STUDENTS

Online Balita — Tue, 21 May 2013 17:36:36 +0000

Para sa academic year 2013-2014, mahigit 52,006 estudyante ang makikinabang sa Student Financial Assistance Program (StuFAF) ng Commission on Higher Education (CHED). Ipinakikita sa datos ng CHED Office of Student Services na sa pagsapit ng pasukan, may 6,264 ang idinagdag sa kasalukuyang 45,742 beneficiary na may 8,713 estudyante ang inaasahang magtatapos sa susunod na taon.

Mandato ng Article XIV ng Saligang Batas sa CHED na protektahan at itaguyod ang karapatan ng lahat ng mamamayan na sa dekalidad na edukasyon sa lahat ng antas at gumawa ng mga hakbang para rito. Ginagawa ito sa pamamagitan ng isang sistema ng mga scholarship grant, programa sa pautang sa estudyante, subsidiya, at mga insentibo. Ang mga estudyanteng angkop sa scholarship ay tinutukoy ng Department of Education at ng National Economic Development Authority.

Ang mga kursong prayoridad ng CHED para sa programa ay Information Technology; Agriculture at kaugnay na mga larangan tulad ng agro-forestry, veterinary medicine, agricultural engineering, agribusiness/management, agricultural entrepreneurship, agricultural technology, at fisheries; Teacher Education major in Match, Science, Physics, Chemistry, Reading, English, Educational Media/Technology, at Special Education; Science and Mathematics; Engineering courses; Health Sciences; Arts and Humanities; Atmospheric Sciences at Environmental Science.

Mayroon din ang CHED na Grants in Aid Program at Student Loan Programs tulad ng Study-Now-Pay-Later Plan. Naglalaan din ang gobyerno ng pondo para sa maralitang Muslim na nasa kolehiyo sa school year na ito.

Binabati natin ang Commission on Higher Education sa pangunguna ni Chairperson Dr. Patricia B. Licuanan, at Commissioners Dr. Nenalyn P. Defensor, Dr. Nona S. Ricafort, Dr. Maria Cynthia Rose B. Bautista, at Dr. Ruperto S. Sangalang, sa kanilang pagsisikap na maabot ang dekalidad na edukasyon ng maralita ngunit matatalinong mag-aaral na Pilipino sa pamamagitan ng mga scholarship at loan grants sa Republika ng Pilipinas.
CONGRATULATIONS AT MABUHAY!

SAMAL ISLAND: DAVAO’S ECOTOURISM HUB

Online Balita — Mon, 20 May 2013 17:55:16 +0000

Inilunsad ng Department of Tourism (DOT) ang “Visit Samal Island Year 3” campaign upang tutukan ang Island Garden City of Samal sa lawa ng Davao, bilang isang ecotourism hub sa rehiyon. Ang isla ay isang paraiso ng turismo na ang pang-akit ay kinabibilangan ng puting dalampasigan, mga waterfall tulad ng Hagimit Falls, mahigit tatlong libong higanteng kabibe sa mga santuwaryo sa dagat, at dalawang milyong paniki ng nagliliparan palabas ng mga kuweba ng Montfort.

Sinimulan ng DOT ang kampanya noong 2011 upang ipakilala ang Samal sa kapwa banyaga at lokal na mga turista. Ang naturang Islang Garden ay napaliligiran ng natural na hardin ng mga coral. Ang malakristal na asul na tubig ay mayaman sa underwater wildlife at tahanan ng iba’t ibang uri ng tropical fish. Tamang-tama ang mga bundok at mayabong na kagubatan para sa mountain-biking at camping.

Mahalagang destinasyon ang Pearl Farm Beach Resort para sa mga manlalakbay a Davao. Ang puting dalampasigan at malinaw na tubig ay maihahambing sa Boracay. Matatanaw ang nakamamanghang Mount Diwalwal, Mount Matutum, at Mount Apo. Ilang aktibidad para sa mga panauhin ay kinabibilangan ng kayaking, sailing, rappelling, wind surfing, banana boat riding, jet skiing, at snorkeling.

Ang mga panauhin sa Davao ay umabot sa 1.075 milyon noong 2012, ang uanng pagkakataon na sinira ng lungsod ang inaasintang isang milyon dahil na rin sa mas maraming flight na binuksan ng mga paliparan ng Davao City at Clark, Puerto Princesa, Kalibo, Butuan, at Dipolog. Ang mga banyaga na bumubuo ng 10% ng tourist arrivals noong 2012, ang karamihan ay mga Korean, Japanese, Australian, at Chinese.

Binabati natin ang Department of Tourism sa pangunguna ni Secretary Ramon R. Jimenez at Island Garden City of Samal Mayor Aniano P. Antalan, sa kanilang pagsisikap upang gawin ang isla na isang popular na destinasyon para sa mga banyaga at lokal na mga turista sa Republika ng Pilipinas. CONGRATULATIONS AT MABUHAY!

INVESTMENT ROADSHOW

Online Balita — Sun, 19 May 2013 17:50:19 +0000

INIIMBITAHAN ng pamahalaan ng Pilipinas ang mga sektor mula sa imprastraktura, kabilang ang enerhiya, patubig, at mga kalsada; business process outsourcing at information technology; mining, financial services, electronics at electronic devices; at pharmaceuticals at biotechnology, na sumali sa 3rd Philippine Investment Roadshow na gaganapin ng Philippine Embassy sa Washington, DC sa tatlong lungsod sa Amerika Houston, Atlanta, at Philadelphia –sa unang bahagi ng 2014, upang maghanap ng mga oportunidad sa mga ugnayan sa negosyo.

Inaasahan ng Philippine Embassy ang mas malaking roadshow sa susunod na taon, matapos ang tagumpay ng 2nd Philippine Investment Roadshow na ginanap noong Abril 22-26, 2013, sa Los Angeles, Chicago, at Boston. Napili ang Houston dahil ito ang oil capital ng USA; ang Atlanta dahil sa kanyang trade relations sa Association of Southeast Asian Nations; at Philadelphia dahil sa malaking bilang ng mga batang FilipinoAmerican professionals roon.

Ang 3rd Philippine Investment Roadshow ay umakit ng mas maraming potensyal na mamumuhunang Amerikano at Filipino-American, na positibo ang pananaw sa ekonomiya ng Pilipinas at nagpahayag ng interes sa bansa. Ito ay nilahukan ng 300 investors at business leaders, tatlong beses na mas marami kaysa naunang roadshow sa New York, San Francisco, at Washington, DC, noong 2012. Ang roadshow ay nagsisilbing seminar sa investment prospects sa Pilipinas, kasabay ang paglalahad sa estado ng ekonomiya ng bansa at mga development sa pagmimina, imprastraktura, business process outsourcing, at sektor ng pananalapi. Mga positibong feedback at komento ang natanggap mula sa American investors, business executives, at mga kasapi ng Filipino-American community.

Ang Department of Trade and Industry ay magdaraos rin ng mga investment roadshow sa Europe sa huling bahagi ng taong ito upang samantalahin ang lumalawak na interes sa Pilipinas sa bahaging ito ng mundo. Iniulat ng business chambers na mas maraming kumpanyang European ang magbubukas sa Pilipinas. Muling nagkakainteres ang mga mamumuhunan sa Pilipinas dahil sa malakas nitong ekonomiya, at batang populasyon na bihasa sa pagsasalita ng English, at mga inisyatiba sa mabuting paggogobyerno. Ipinakita ng data mula sa National Statistical Coordination Board na ang kabuuang inaprubahang foreign investments para sa 2012 ay umakyat ng 12 porsiyento sa P289.1 bilyon mula sa P258.2 bilyon sa nagdaang taon. Inaasahan ang mas marami pang investment sa business process outsourcing gayundin sa manufacturing.

Binabati namin ang Department of Foreign Affairs sa pamumuno nina Secretary Albert F. del Rosario at Philippine Ambassador to the United States of America Jose L. Cuisia, Jr., at iba pang mga Opisyal, sa kanilang magkatuwang na pagsisikap na mapukaw ang interes ng mga mamumuhunan sa Republika ng Pilipinas bilang “rising star“ sa Asia, at pagsusulong sa maraming oportunidad sa pagnenegosyo sa bansa. CONGRATULATIONS AT MABUHAY!

Incoming search terms:

IPAGDIWANG NATIN NATIONAL HERITAGE MONTH

Online Balita — Sat, 18 May 2013 17:11:31 +0000

Upang lumikha ng malawak na kaalaman, respeto at ipagmamalaki para sa pamanang kulturang Pilipino, idineklara sa bisa ng Presidential Proclamation No. 439 na inisyu noong Agosto 11, 2003, ang Mayo ng bawat taon bilang National Heritage Month (NHM). Pinangungunahan ang selebrasyon ngayong taon sa temang “Taoid: Weaving Our Stories, Threading Our Paths“ ay ang National Commission for Culture and the Arts (NCCA) Sub-Commission on Cultural Heritage (SCH). Layunin ng tema ang masilayan ng mga Pilipino ang mga legasiya ng nakararan at kung paano ito makapagpapatuloy sa kasalukuyan at sa hinaharap.

Ang selebrasyon ngayong taon, na idaraos sa buong taon, ay nagsimula nong Marso 11-13, 2013 sa ilang lugar sa Capul, Northern Samar, kung saan sinuri ng National Museum at ng National Historical Commission of the Philippines para sa posibleng ideklara ito bilang National Cultural Treasures. Noong nakaraang buwan, isang NHM celebration ang idinaos sa Mahatao, Batanes, kasabay ng Rakanen Festival. Nagkaroon ng mga heritage clinic ang national committees sa ilalim ng SCH at mga workshop sa cultural mapping, at iba pa, ang isinagawa sa Glan, Sarangani.

Magtatanghal ang Filipino Heritage Festival Inc. ng isang heritage pilgrimage at isang pahampang (palaro) sa Negros Occidental. Idaraos din ang tradisyunal na Santa Cruz de Mayo sa ilang lalawigan. Ang iba pang aktibidad ay idaraos sa iba pang lugar sa buong bansa sa buong buwan na kinabibilangan ng: Ika-apat na Tam-awan International Arts Festival; ang Ika-walong National Convention of Church Cultural Heritage Practitioners ng Catholic Bishops Conference of the Philippines sa Dapitan, Zamboanga del Norte; ang Sarangani Bay Festival at NHM 2013 sa Glan na may mga heritage clinic na pangangasiwaan naman ng SCH natioanl committees; at isang grand launching ng NHM at ang Gabii sa Kabilin (Gabi ng Pamana) na isang buong gabing tour sa 23 museo at 18 art gallery sa mga lungsod ng Cebu at Mandaue.

Mayaman ang Pilipinas sa pamanang ipinasa sa atin mula sa maraming henerasyon sa arkitektura, sa sining, mga anyo ng lupa, biodiversity at marami pang iba. Ipinagmamalaki natin ang mga ito bilang mga Pilipino. Pakaalagaan natin ang mayamang pamanang ito hindi lamang sa mga susunod pang henerasyon kundi dahil bahagi ito ng kayamanan ng daigdig.

Binabati natin ang National Commission for Culture and the Arts sa pangunguna nina Chairman Hon. Felipe M. De Leon Jr., at Executive Director Hon. Emelita V. Almosara, sa okasyon ng National Heritage Month sa Republika ng Pilipinas. CONGRATULATIONS AT MABUHAY!

Incoming search terms:

ncca chairman de leon in manila bulletin may 22 2013

THE PHILIPPINE OCEAN MONTH 2013

Online Balita — Fri, 17 May 2013 17:39:20 +0000

Upang lumikha ng mas malawak na kaalaman hinggil sa yamang-dagat na pinanggagalingan ng pagkain at kabuhayan ng mga mangingisda ng bansa, idinaraos ang Philippine National Month of the Ocean taun-taon tuwing Mayo. Ang tema para ngayong taon ay “Ang Bahura ay Kagubatan sa Karagatan, Ating Pangalagaan”.

Ito ay idinaraos sa pakikipagtulungan ng Department of Environment and Natural Resources at ng Department of Agriculture sa pamamagitan ng Bureau of Fisheries and Aquatic Resources (BFAR), ng mga pamahalaang lokal, at lahat ng ahensiya ng gobyerno, state colleges and universities, at government-owned and –controlled corporations na may kaugnayan ang operasyon sa development at management ng yamang-dagat. Sa isang pag-aaral na isinagawa maraming taon na ang nakalilipas, idineklara ng isang grupo ng mga scientist ang Pilipinas bilang “epicenter of marine biodeiversity with the richest concentration of marine life on the entire planet”. Sa loob ng libu-libong taon, tradisyunal na tinatanaw ang dagat bilang mayaman, hindi nauubos, at hindi nasisira. Ang pananaw na iyon ay nagbabago na sapagkat may mga ulat na nagbabala ang pandaigdigan at mga lokal na industriya hinggil sa sobrang pangingisda kung kaya hindi makaya ng natural na pagpaparami ng isda.

Nangangalap ng malawakang suporta ang BFAR, ang Protected Areas and Wildlife Bureau at ang Coastal Zone Management Services para sa mga pagsisikap upang pangasiwaan ang karagatan, ang pinakamalaking pamanang ating pinagsasaluhan. Ang pananaw natin sa karagatan ay nagbabago at ang Philippine Ocean Month ay nagbibigay-oportunidad na gamitin ang pagbabagong iyon at tupdin ang tungkuling maging responsable sa paggamit at pangangasiwa ng lahat ng ating likas-yaman.

Binabati natin ang Department of Environment and Natural Resources sa pangunguna ni Secretary Ramon J.P. Paje, Protected Areas and Wildlife Management Bureay Head Dr. Theresa M. Lim, at DENR Undersecretaries Atty. Annaliza R. Teh, Atty. Ernesto D. Adobo Jr., at Demetrio L. Ignacio Jr. sa kanilang pagsisikap na bigyang-diin ang kahalagahan ng yamang-dagat ng bansa sa pananatili ng buhay at sa pagpapalawak ng kaalaman bilang suporta sa mga inisyatiba na kaugnay ng karagatan ng Republika ng Pilipinas. CONGRATULATIONS AT MABUHAY!

Incoming search terms:

OMBUDSMAN: PROTECTOR OF THE PEOPLE

Online Balita — Thu, 16 May 2013 17:52:48 +0000

Ang Ombudsman of the Philippines (Tanodbayan ng Pilipinas) ay nagdiriwang ng kanilang ika-25 anibersaryo ngayong Mayo 17, 2013. Isang fiscally autonomous constitutional body, minomonitor ng Ombudsman ang burukrasya sa lahat ng tatlong sangay ng gobyerno ang Executive, Legislative, at Judiciary. Ginagabayan ng mga prinsipyo na “a public office is a public trust“, binabantayan nito ang mga kilos ng mga lingkod-bayang opisyal at kawani at pinakikilos nito ang batas.

Sa kasaysayan, ang Permanent Commission set up noong panahon ng rebolusyonaryong gobyerno ng Pilipinas ay ang ninuno ng Office of the Ombudsman. May ilang ahensiya na waring Ombudsman ang itinatag ng mga pangulo ng bansa upang magsilbing tagaugnay ng mga mamamayan sa pagpapahayag ng kanilang mga hinaing at paghahanap ng katarungan laban sa katiwalian sa gobyerno. Nilikha ni Pangulong Epidio R. Quirino ang Integrity Board noong 1950; Pangulong Ramon F. Magsaysay, ang Presidential Complaints and Action Commission noong 1957; si Pangulong Carlos P. Garcia, ang Presidential Committee on Administration Performance Efficiency noong 1958; si Pangulong Diosdado P. Macapagal, ang Presidential Anti-Graft Commission noong 1962; at si Pangulong Ferdinand E. Marcos, ang Presidential Agency on Reforms and Government Operations noong 1966, at Complaints and Investigation Office noong 1970.

Sa kapangyarihan ng 1973 Philippine Constitution, nilikha ang Office of the Ombudsman, na tinawag na Tanodbayan. Nilikha naman ng Presidential Decree 1487 ang Tanodbayan noong Hunyo 11, 1978, na may kapangyarihang tumanggap at mag-imbestiga ng mga reklamong kaugnay sa mga ahensiya ng pamahalaan, pati na yaong mga government-owned and controlled corporations, magrekomenda at magsampa ng mga kasong kriminal, sibil, o administratibo sa angkop na hukuman.

Sa ilalim ng 1987 Philippine Consitution, nilikha ang Office of the Ombudsman. Noong Hulyo 24, 1987, inisyu ni Pangulong Corazon C. Aquino ang Executive Order No. 243 na nagdedeklara sa paglikha nito pati na ang paglalahad ng komposisyon, kapangyarihan at mga tungkulin. Noong Mayo 12, 1988, naging operasyonal ito at nagdiriwang ngayong petsa ang Office of the Ombudsman ng kanilang anibersaryo. Itinalaga ng Saligang Batas bilang “Protector of the People“. Tinutupad ng Ombudsman ang limang pangunahing tungkulin Public Assistance, Graft Prevention, Investigation, Prosecution, at Administrative Adjudication. Ang eight-point priority nito para sa 2011-2018 ay: disposition ng highprofile cases; zero backlog; mas pinahusay na “survival“ rate ng fact-fining; mas pinaigting na pagmomonitor ng mga kasong idinudulog sa kanila; mas pinahusay na pag-ayuda sa publiko; mas pinahusay na anti-corruption policy at program coordination sa mga sektor; rasyunalisasyon ng functional structure ng ahensiya; at ang pinaigting na transparency at kredibilidad.

Binabati natin ang Kagalang-galang na Ombudsman of the Philippines Justice Conchita Carpio-Morales para sa kanyang pagsisikap na maitaguyod, bilang tagapagtanggol ng sambayanan, ang integridad, pananagutan, kahusayan, at ang mataas na pamantayan sa serbisyo publiko sa Republika ng Pilipinas. CONGRATULATIONS AT MABUHAY!

Incoming search terms:

MORE BUDGET FOR TOURISM INFRASTRUCTURE

Online Balita — Wed, 15 May 2013 17:25:15 +0000

Sa unang pagkakataon, maglalaan ang gobyerno ng budget na nakatalaga lamang sa tourism infrastructure upang idugtong ang mga tourist destination sa mga pangunahing lansangan. Gagamit ang Department of Public Works and Highways (DPWH) ng P11.95 bilyon para sa tourism infrastructure ngayong taon, P13.5 bilyon sa 2014, P14.4 bilyon sa 2015, at P15.9 bilyon sa 2016. Makakukuha ang Luzon ng kabuuang P5.64 bilyon habang ang Visayas at Mindanao ay may P2.38 bilyon at P3.83 bilyon, ayon sa pagkakasunod.

Ang pinagsanib na programa ng DPWH at ng Department of Tourism (DOT) ang susuporta sa turismo ng bansa na inaasahang makaaakit ng mahigit 54 miyong lokal at banyagang turista pagsapit ng 2016. Nilampasan ng bansa ang 2016 target nito na 35.5 milyong domestic trip maaga pa lamang noong pagtatapos ng 2012.

Nabatid ng gobyerno na ang sektor ng turismo ang isa sa pangunahing dahilan ng paglago ng ekonomiya. Nakaambag ang turismo ng 7 porsiyento sa Gross Domestic Product noong 2012. Ang Philippine Development Plan ng National Economic Development Authority ay umaasa na magpapasok ang sektor ng mga investment at lilikha ng mga trabaho upang makatulong sa pagpapalawak ng ekonomiya sa average na 7 porsiyento pagsapit ng 2016.

Bukod sa pagpapaganda ng mga lansangan sa mga lugar ng turismo, minomonitor ng DOT ang mga otel at establisimiyento na naglilingkod sa mga turista. Isinusulong din ng National Tourism Development Plan ang mas pinahusay na tour packages at business-to-business partnership sa loob at labas ng bansa.

Binabati natin ang Department of Public Works and Highways sa pangunguna ni Secretary Rogelio L. Singson at ang Department of Tourism sa pamumuno ni Secretary Ramon R. Jimenez Jr., iba pang opisyal at kawani sa kanilang agapayan na magkaroon ng imprastraktura at mga serbisyo na makatutulong sa Republika ng Pilipinas na makaakit ng mas maraming turista. CONGRATULATIONS AT MABUHAY!

INTERNATIONAL DAY OF THE FAMILY

Online Balita — Tue, 14 May 2013 17:10:39 +0000

Ipinagdiriwang ang International Day of the Family tuwing Mayo 15 taun-taon. Ang tema para sa 2013 ay “Advancing Social Integration and Intergenerational Solidarity“.

Ang pamilya ay isang komunidad kung saan ikinikintal ang magandang paguugali at pamanang espirituwal at kultura. Ang kaugaliang tulad ng pagtitimpi, pag-aaruga, pag-unawa, at pagtalaga ay ikinikintal sa atin ng ating pamilya.

Ang pamilya ang unang paaralan ng ating mga anak. Mula sa unang araw nito, natututo sila ng pagmamahal, pag-aaruga, at ang kahalagahan ng relasyon.

Sa loob ng pamilya natututo tayo kung paano gumagana ang pamilya at kung paano nakikitungo sa iba, kung ano ang kahulugan ng maalab na relasyon at kung paano ito pananatilihin. Sa pamily tayo natututo kung paano humarap sa pagsubok at tagumpay ng buhay.

Binabati natin ang United Nations (UN) sa pangunguna nina Secretary General Ban Ki-moon, UN Undersecretary General Jan Eliason, UN Undersecretary General for Economic and Social Affairs Wu Hongbo, UN Social Perspective on Development Chief Wenyan Yang, at UN Economic and Social Council President Nestor Osorio, sa kanilang pagtataguyod ng angking lakas ng mga pamilya na sumusuporta sa kanilang pagtupad ng kanilang mga tungkulin sa Republika ng Pilipinas at sa buong mundo. CONGRATULATIONS AT MABUHAY!