Naaktuhan umano ng pulisya, kasama ang boxing icon, ang mga suspek habang ilegal na nagmimina sa Sitio Kapugan sa Bgy. New La Union, Maitum.

Kinilala ni Sarangani Police Provincial Office Director Senior Supt. Edwin Minion ang mga nadakip na sina Chon Iligan, Alex Guintuan, Biringgo Umbay, Diego Dagre, Alexander Roco at isang hindi pa pinangalanan, pawang residente ng Tagum, Davao del Norte. – Fer Taboy

Ito ang sinabi ni acting Mayor Belen Fernandez sa pakikipagpulong sa mga operator ng mga ilegal na fish pen upang mabigyan ng sapat na panahon ang huli na makapaghango ng mga isda sa kondisyong ang mga ito mismo ang magbabaklas sa kani-kanilang istruktura.

Sinabi ni Fernandez na matindi na ang polusyon sa mga ilog dahil sa biglaang pagsusulputan ng maraming fish pen sa lungsod, partikular sa Zones 6 at 7 sa Barangay Lucao. – Liezle Basa Iñigo

Una nang inimbitahan ng mga lider ng Simbahang Katoliko sa Pilipinas si Pope Francis para personal na dumalo sa pagtitipon, bagamat wala pang katiyakan ito. – Mary Ann Santiago

Ayon kay del Rosario, pinakamarami ang nagsilikas sa Maguindanao dahil limang bayan ang binaha sa probinsiya, kabilang ang Pagalungan, Datu Paglas, Sultan Sabarongis, Rajah Buayan, at Datu Montawal, na umaabot sa 12,000 pamilya ang sinalanta.

Namahagi naman ng bigas, delata at instant noodles ang mga lokal na pamahalaan sa mga binaha, na karamihan ay nagtirik ng barung-barong sa gilid ng highway kung hindi man ay nasa mga evacuation center.

Sa bahagi ng Sarangani at Sultan Kudarat, ibinalita ng NDRRMC na unti-unti nang nagsisibalikan sa kanikanilang bahay ang mga binaha.

Bukod sa Mindanao, nagsasagawa rin ng monitoring ang NDRRMC sa baha sa Visayas at Luzon, kabilang ang Metro Manila, dahil umiiral pa rin ang hanging habagat na pinagiibayo ng bagyong ‘Emong’ na huling namataan sa layong 400 kilometro sa Baler, Aurora. – Fer Taboy

Inihayag ng Malacañang na bineberipika ng gobyerno ang ulat ng United Nations (UN) na ginamit ng Armed Forces of the Philippines (AFP) ang mga bata sa mga combat operation nito noong nakaraang taon.

Sinabi noong Lunes ni Deputy Presidential Spokesperson Abigail Valte na ang AFP “will be looking into the circumstances cited by the UN report where children were allegedly used as guides.”

Nilinaw ni Valte na hindi kabilang sa polisiya ng AFP ang paggamit ng mga bata sa mga operasyon nito.

Nakasaad sa taunang report ng Secretary-General on Children and Armed Conflict, “The United Nations remained concerned over the use of children by the AFP as guides and informants during military operations.”

Ayon sa report na “Grave Violations Committed Against Children in 22 Situations of Concern” nitong Hunyo 12, sa isang naberipikang kaso noong Hulyo 2012 ay pinuwersa ng 57th Infantry Battalion ang dalawang lalaki, edad 12-13, na magsilbing guide upang matunton ang kampo ng New People’s Army (NPA) sa North Cotabato.

Tinukoy sa report na matapos mabunyag ang insidente ay naglunsad ng imbestigasyon ang AFP noong Marso 20.

Nakasaad din sa report na patuloy ang AFP sa paglalabas ng mga pangalan at litrato ng mga bata sa media, at tinagurian ang mga ito na mga miyembro ng armadong grupo.

ESKUWELAHAN, DAMAY
Nagpahayag din ng pangamba ang UN sa paggamit ng AFP sa ilang paaralan para sa operasyon nito.

Ayon sa report, naberipika ang ilang insidente na inihimpil ng AFP ang mga military unit sa ilang pampublikong paaralan sa Mindanao.

Noong Hunyo ng nakaraang taon, naberipika rin ng UN na tatlong unit ng AFP ang nagbukas ng detachment malapit sa Salipongan Primary School sa Tugaya, Lanao del Sur, na nagbunsod upang magsara ang paaralan sa loob ng dalawang linggo.

Bukod dito, nakadetalye rin sa report ang isang naberipika rin na kaso nang dalawang lalaking edad walo at 13 ang napatay at isang limang taong gulang na babae ang nasugatan nang paulanan ng bala ng mga tauhan ng 27th Infantry Battalion ang isang bahay sa Kiblawan, Davao del Sur noong Oktubre 18, 2012.

Dahil dito, sinibak sa puwesto ng AFP at nanatili sa barracks ang isang opisyal at 11 tauhan nito habang iniimbestigahan ng General Court Martial.

Sinabi pa ng UN na nagawa nitong idokumento ang 11 insidente ng pagre-recruit at paggamit sa mga bata sa Pilipinas, kabilang ang 23 lalaki at tatlong babae na edad 12-17.

Ayon sa report, sa nasabing mga kaso ay dalawa ang napaulat na nirecruit at ginamit sa operasyon ng Moro Islamic Liberation Front (MILF), 11 sa NPA, 11 sa Abu Sayyaf at dalawa sa AFP.

SINANAY, INARMASAN
Dagdag pa, sa kabila ng paglagda sa action plan ng MILF at UN noong 2009, patuloy na nagkaloob ng training, armas at uniporme ang mga front base command sa mga bata na ginagamit bilang guide, mensahero at porter.

May mga mapagkakatiwalaang ulat din na nagsasabing nagbibigay din ng training at armas sa mga bata ang Bangsamoro Islamic Freedom Fighters (BIFF), na tumiwalag mula sa MILF at pinamumunuan ni Kumander Ameril Umbra Kato.

Sa kabuuan, natukoy ng UN ang 66 na kaso ng pagpatay at pagkapinsala sa mga bata noong 2012, na apat ang naugnay sa MILF, tatlo sa NPA, isa sa Abu Sayyaf , 14 sa AFP at 44 ang nabiktima ng mga hindi natukoy na suspek.

Sa mga pag-atake, 29 na bata ang naiulat na napatay at 37 ang nasugatan.

Sa artikulo ni Jerry Yap sa isang tabloid, tinawag niyang “konsuhol” sina Manila Councilors Robert Ortega, Ali Atienza, Josie Siscar, TJ Hizon, Cristy Isip at Mon Yupangco.

Ayon sa artikulo, kinailangan ng mga nabanggit na magbayad sa ilang opisyal ng INC para maisama sila sa mga kandidatong ineendorso nitong iboto ng mga kasapi.

Kilala ang INC sa solid block vote sa mga kandidatong inendorso ng mga opisyal nito, kaya naman malaki ang naitutulong sa pagkakapanalo ng mga ineendorsong kandidato.

Pinasinungalingan ng anim na konsehal ang nasabing balita.

“Kinokondena namin ang paratang na ito at hinahamon namin ang may akda na pangalanan ang kanyang impormante,“ saad sa pinagisang pahayag ng anim na konsehal, na humingi rin ng paumanhin sa INC.

Kung hindi papangalanan ang source at mapapatunayan ang nasabing paratang, mapipilitan ang mga konsehal na magdemanda laban sa manunulat at sa pahayagan nito.

Ito ang inihayag ni Supt. Joel Pagdilao matapos sampahan ng kasong administratibo sina PO1 Ronel Biag, PO1 Ryan Parungao at PO1 Dennis Maagda, bukod pa sa kasong kriminal na extortion na kinahaharap ng mga ito.

Kasama rin sa mga kinasuhan si John Dominic Laudio, na nagpakilalang “Insp. Marlon Panal“ habang nangongotong.

Giit naman ni Pagdilao, hindi nagkulang ang pamunuan ng QCPD sa pagdidisiplina sa mga tauhan nito sa kabila ng pagkakaaresto sa tatlong pulis.

Inihayag ni Supt. Neri Ilagan, QCPD deputy director for administration, na dati nang may derogatory record ang tatlong nabanggit na pulis dahil sa pagkakasangkot sa iba pang ilegal na gawain.

Ipinag-utos rin ni QCPD Director Chief Supt. Richard Albano na magsagawa ng karagdagang pagsasanay sa mga bagitong pulis upang matiyak na hindi maliligaw ng landas ang mga ito habang tumutupad sa tungkulin.

Magugunitang Hunyo 14 ngayong taon nang inireklamo ang mga akusado ng sales agent ng Philippine Long Distance Telephone (PLDT) Co. na nagsabing kinotongan siya ng P10,000 kapalit ng hindi pagsasampa ng kasong public scandal laban sa kanya. – Jun Fabon



Ayon sa mga overseas Filipino worker (OFW), isang bagong incomegenerating scheme ng administrasyon
ang panukalang personality development training dahil wala itong kinalaman sa hiling na proteksiyon sa karapatan ng manggagawa at lalo lang magpapalubog sa hirap na nararanasan ng mga Pinoy migrant worker.

Ito ang reaksiyon ni Unifil-Migrante HK Chairperson Dolores Balladares kay Labor Secretary Rosalinda Baldoz sa pagbabalangkas ng huli ng module sa kultura ng mga Pinoy na gagamitin sa pagsasanay sa mga OFW.

Nabatid na sa panahon ni dating Pangulong Gloria Macapagal Arroyo nang ipinatupad ang programang “Supermaids” na nagbigay umano ng oportunidad sa mga recruitment agency na maningil nang labis sa mga OFW sa karagdagang skills training.

“The professed aim of the training for OFW protection and their welfare is but ‘empty rhetoric’ as such will not address the burning issues of overcharging and illegal charges of recruiters, severe lack of on-site protection of the government for migrants in distress, OFWs falling in the debt trap, and high cost of government charges to OFWs,” pahayag pa ni Balladares. – Nannet Valle

Sa halip aniyang parusahan ang mga menor de edad, iginiit ni Garganta na dapat palakasin na lang ng Department of Social Welfare and Development (DSWD) ang programa nito upang maiiwas ang kabataan sa krimen.

Bukod sa DSWD, tinukoy din ni Garganta ang iba’t ibang mga law enforcement agency na maglilinis sa mga pamayanan sa mga criminal syndicate na gumagamit sa kabataan sa ilegal na gawain.

Inirekomenda rin ni Garganta na isailalim sa rehabilitasyon ang mga youth offender sa halip na ikulong sa piitan kasama ang iba at matatandang bilanggo.

Sinabi ng pari na kailangang lumikha ang gobyerno ng mga programa para maging kapakipakinabang ang kabataan sa halip na masangkot sa krimen.

“Kung mapipigilan at mabubuwag ng pamahalaan ang iba’t ibang criminal elements sa lipunan ay mawawala ang impluwensiya at hindi magagamit ng mga grupong ito ang kamuraan ng isip ng kabataan sa paggawa ng krimen,“ sinabi ni Garganta sa panayam ng Radio Veritas.

Incoming search terms:

• isyu tungkol sa pamahalaan